2017(e)ko abenduaren 4(a), astelehena

EUSKARAREN EGUNA 2017

"Gida Ezazu Euskararen Bidetik".
Hauxe izan da gure aurtengo konpromesua eta nahiko ondo bete dugu. Izan ere, Eskola osoa trafikoko seinalez eta txirrindulariez apaindu dugu, euskaraz betetako esaldiekin. Jai eguna izan dugu, Aizuk goxoki magikoak txikiei oparitu dizkie, LH 3 eta 4. kurtsoetakoek "Kantari Eskolan" ospatu dute, Lehen eta Bigarren Hezkuntzakoek elkarrekin dantzak egin dituzte... Giro aparta Euskararen Eguna ospatzeko!
Zein ondo pasatu dugun ikusi nahi baduzu, hona hemen bi bideo:




2017(e)ko azaroaren 30(a), osteguna

KANTARI GALAKTIKOEK EMANALDIA EGIN DUTE!

Eta azkenean egun berezia heldu zen!
Gure eskolako LH 4. kurtsoko Aitanak, Danielek, SofĂ­ak, Eiderrek eta Junek Kantari ikuskizunean parte hartu dute, Gasteizko beste ikastetxe batzuetako ikasleekin batera. Gatibu taldeko "Prest" abestia primeran abestu eta dantzatu dute. Onena izan da ikustea zein gustura egon diren. Hona hemen bideoa, zuek ere gozatzeko. Zorionak, artistak!


2017(e)ko azaroaren 16(a), osteguna

DBH 1 LEKEITION

Irailaren 25etik 29ra DBH 1. mailako hiru taldeok Lekeitioko barnetegian egon ginen. Ekintzek itsasoarekin zuten zerikusi eta eguraldi eguzkitsuak asko lagundu zigun. Egun gutxitan gauza asko egin genituen, besteak beste, herria ezagutu, itsasargia bisitatu, hondartzara joan, itsasadarretik ibilaldi bat egin, itsas korapiloak egiten ikasi, traineruen jatorria zein den ikasi eta gero, arraun ere egin genuen. Barnetegian jokuak eta diskoteka egin genituen. Begiraleak oso jatorrak ziren eta janaria ezin hobea izan zen. Benetan errepikatzeko moduko egonaldia!
Zelako giroa izan genuen ikus dezazuen, hona hemen argazki batzuk.
Zuen gustukoak izatea espero dugu!





2017(e)ko urriaren 22(a), igandea

ESKERRIK ASKO EUSKARAZ EGITEAGATIK!

Eskolan egin dugun ibilbidea kurtsoa hasi genuenetik, luzea eta emankorra izan da. Izan ere, gure DBHko ikasleak afitxa berri batzuk sortzen ibili dira. Hurrengo diapositibetan ikusten den moduan, ikasle guztiek abiapuntu bera izan dute, hau da, "Eskerrik asko euskaraz egiteagatik!" seinalea izan zuen afitxa. Hortik aurrera, taldeka, hainbat ideia sortu dute eta elkarri aurkeztu. Egindako lanak benetan politak dira eta ikusten diren mezuak oso baliogarriak gure eskolan praktikan jartzeko.
Zorionak guztioi! Lan ederra egin duzue eta!


 

2017(e)ko irailaren 15(a), ostirala

ONGI ETORRI IKASTURTE BERRIRA!

2017/18ko ikasturte berria ilusioz beteta hasi dugu.
Aizuren laguntzarekin, gure eskolan euskaraz hitz egiteko aukera aparta aurki dezakegu.
Bila itzazu zure mintza-lagunak eta anima zaitez euskal abentura honetan parte hartzera!


2017(e)ko ekainaren 29(a), osteguna

DANTZALDIA ESKOLAN

Oporrak gertu daudenez, Euskal Batzordeko ikasleek Dantzaldi bat LHko 3. ziklokoei prestatu diete. Joserraren laguntza bikainari esker, abestiak eta dantzak entsaiatu dituzte, gero LHko ikasleekin batera dantzatzeko.
Guztiek primeran pasatu dute. Eskerrik asko guztioi!


2017(e)ko apirilaren 23(a), igandea

GORA EUSKAL ASTEA!

Euskal Astea amaitu zaigu. Asko izan dira egun hauetan zehar eskola osoan egindako ekintzak. Oso ondo pasatu dugu eta hona hemen Euskal Aste honen bideoa.